Հնդկաստանի Ալլահաբադի բարձրագույն դատարանը թթվածնի պակասի պատճառով COVID հիվանդների մահը համեմատել է տեղական իշխանությունների կողմից «ցեղասպանության» հետ, հայտնում է Times of India- ն:
«Կորոնավիրուսով հիվանդների մահը հենց այն պատճառով, որ հիվանդանոցը թթվածին չի ստացել, հանցավոր արարք է և ոչ պակաս, քան ցեղասպանություն՝ թթվածնի անխափան մատակարարումն ապահովելու համար պատասխանատու անձանց կողմից»,- ասել է դատարանը:
Հնդկաստանի ամենամեծ ընդդիմադիր կուսակցությունը պահանջում է համընդհանուր կարանտին:
Վարակման դեպքերի թվի ավելացման պատճառով Հնդկաստանի հիվանդանոցները հեղուկ թթվածնի պակաս ունեն: Ավելի վաղ Հնդկաստանի ՆԳՆ-ն արգելել էր երկրում թթվածնի օգտագործումը ոչ բժշկական նպատակներով: Միաժամանակ, երկրի իշխանությունները նշել են, որ թթվածնի պակաս չկա, բայց միշտ չէ, որ հնարավոր է այն մի նահանգից մյուսը ժամանակին ուղարկել։
Հնդկաստանը կորոնավիրուսի ամենաբարձր ցուցանիշներով աշխարհում զբաղեցնում է երկրորդ տեղը: Առողջապահության նախարարության վերջին տվյալների համաձայն՝ երկրում գրանցվել է COVID-19 ավելի քան 20,6 միլիոն դեպք, 226 հազար մահ։
