Առնվազն 10 մարդ զոհվել է ուժեղ հեղեղումների պատճառով առաջացած ջրհեղեղի հետևանքով: Այս մասին երեքշաբթի օրը հաղորդել է ԻԼՆԱ իրանական գործակալությունը՝ վկայակոչելով Կարմիր մահիկի ընկերության փրկարար կազմակերպության ղեկավար Մեհդի Վալիպուրին: Նախկինում այդ մարդիկ համարվում էին անհետ կորած:
Ջրհեղեղն ընդգրկել է Իրանի Սպահան, Յազդ, Հարավային Խորասան, Խորասան Ռեզավի, Քերման, Սեմնան, Թեհրան, Սիստան և Բելուչիստան նահանգները:
Ինչպես նշել է Վալիպուրը, «Տարհանվել է 48 տան բնակիչ, մոտ 100 մարդ փրկվել է: Ընդհանուր առմամբ տուժել է վեց քաղաք և 47 գյուղ»:
Օգնության տրամադրման գործում ներգրավված է 78 փրկարարական ջոկատ, հատուկ մեքենաներ և ուղղաթիռներ»,- հավելել է նա:
Իրանի իշխանությունները մարդասիրական օգնություն են տրամադրում տուժած տարածքների բնակիչներին: