Ինչպես հաղորդում է թուրքական Today’s Zaman թերթը, Թուրքիայի Էներգետիկայի և բնական ռեսուրսների նախարար Թաներ Յըլդըզը հայտարարել է, որ «Նաբուկոն» և «Հարավային հոսքը» հակառակորդ նախագծեր չեն: Նա մասնակցել է «Թուրքական էներգետիկ շուկայի ապագան, կարգավորումներն ու քաղաքականությունը 2030թ.» համաժողովին: Պատասխանելով լրագրողների հարցին` Յըլդըզն ասել է, որ համաձայն չէ ԵՄ-ն` էներգետիկայի հարցերով հանձնակատարի վերջերս արած այն հայտարարությունը, թե «Նաբուկոն» և «Հարավային հոսքը» հակառակորդ են մեկը մյուսին: «Երկու նախագծերը թվում է, թե մրցակից են, բայց դրանք հակառակորդներ չեն միջնաժամկետ և երկարաժամկետ կտրվածքով»,- ասել է Յըլդըզը: «Այս նախագծերը կդառնան Եվրամիության` բնական գազի մատակարարման խնդիրների լուծման մի մասը: Մինչև 2030թ. կանխատեսվող պահանջարկի աճը ցույց է տալիս, որ ևս երկու նախագծեր են պետք, որ պահաջարկը բավարարվի»,- ավելացրել է նախարարը:
Խոսելով Ակկույու ատոմակայանի վերաբերյալ, որը կառուցվելու է Մերսինում, Յըլդըզն ասել է, որ նախագիծը օրակարգում է: Նրա կարծիքով` Կրեմլն առաջիկա 10 օրվա ընթացքում կհաստատի նախագիծը. «մենք ոչ մի խոչընդոտ չենք ունենա ատոմակայանի կառուցման հարցում»: