Բժիշկ-սննդաբան Լյուդմիլա Բաբիչն անքնությունը հաղթահարելու հեշտ միջոց է առաջարկել: Մասնագետըն առաջարկում է գիշերային սննդակարգից հանել մի շարք մթերքներ: Գրում է «Голос UA»-ն:
Նախ, Բաբիչը խորհուրդ չի տալիս ընթրել ժամը 18-ից հետո: Նրա խոսքով՝ երեկոյան սնվելիս պետք է ընտրել թեթև կալորիականություն ունեցող մթերքներ, եթե անգամ մարդը չունի քնի հետ կապված խնդիրներ: Մասնագետը տեղեկացրել է, որ որոշ մթերքներ խանգարում են լիարժեք քնին, քանի որ գրգռում են նյարդային համակարգը և ավելի ակտիվացնում:
Բաբիչը կոչ է անում քնից առաջ հրաժարվել թունդ թեյից, սուրճից և շոկոլադից, որոնք անմիջական ազդեցություն ունեն կենտրոնական նյարդային համակարգի վրա: Բացի այդ, պետք չէ ուտել վիտամին -ով հարուստ մթերքներ, քանի որ դրանք օրգանիզմը թարմացնում են և խանգարում քնին: Երեկոյան ժամերին խորհուրդ չի տրվում ուտել նաև յուղային, խիստ կծու ուտելիքներ, նաև մսամթերք՝ հատկապես կարմիր միս, քանի որ դրանք մարսելու համար օրգանիզմը շատ ջանք է գործադրում:
