Հնդկաստանում առնվազն 18 պացիենտ է մահացել Բհարուհ քաղաքի հիվանդանոցում բռնկված հրդեհի հետևանքով։ Այս մասին հայտնում է Hindustan Times-ը՝ հղում անելով ոստիկանությանը։
Կորոնավիրուսային բաժանմունքում բուժում անցնող 12 պացիենտ մահացել է այրվածքներից կամ ծխից թունավորվելու հետևանքով։ Թե ինչն է եղել մյուս 6-ի մահվան պատճառը, հայտնի չէ։
Հրդեհը հաջողվել է մարել մեկ ժամվա ընթացքում, մոտ 50 հիվանդ փրկվել է տեղի բնակիչների և հրշեջների ջանքերով։ Հրդեհի բռնկման պատճառները պարզվում են։
Նման դեպք էր տեղի ունեցել նաև ապրիլի 28-ին, Մումբրա քաղաքի մասնավոր հիվանդանոցում։ Հրդեհը 4 մարդու կյանք էր խլել։