Լեռնային Ղարաբաղում ռուսական խաղաղապահ զորախմբի տեղակայումը երաշխավորում է անվտանգությունը և Հարավային Կովկասում կայունացման ու տնտեսական առավել արդյունավետ զարգացման հեռանկար է բացում: «Արմենպրես»-ի հաղորդմամբ՝ նման կարծիք է հայտնել Ռուսաստանի գիտությունների ազգային ակադեմիայի «Համաշխարհային տնտեսության և միջազգային հարաբերությունների ազգային հետազոտական ինստիտուտի գիտաշխատող, պատմական գիտությունների դոկտոր Ալեքսանդր Կռիլովը՝ «Անկախություն եւ ինքնիշխանություն: Սպառնալիքներ եւ մարտահրավերներ մերօրյա Հայաստանի համար» թեմայով կոնֆերանսի ընթացքում:
Նրա խոսքով տարածաշրջանի տնտեսական զարգացումը հնարավոր է սահմանների ապաշրջափակման, նոր տրանսպորտային միջանցքների կառուցման, Արաքս գետի ջրերի հիդրո և կենսաբանական ռեսուրսների համապարփակ օգտագործմամբ՝ ոռոգելի հողատարածքներն ընդլայնելու միջոցով:
«Այնուամենայնիվ, իրավիճակի վրա շարունակում են ազդել մի շարք գլոբալ և տարածաշրջանային գործոններ, որոնք հակասական են և անկանխատեսելի են դարձնում Հարավային Կովկասի զարգացման հեռանկարները: Միևնույն ժամանակ, ակնհայտ է, որ որքան լարված է միջազգային իրավիճակը, Ռուսաստանի հարաբերություններն ԱՄՆ-ի ու կոլեկտիվ Արևմուտքի հետ, այնքան դժվար կլինի իրավիճակը կայունացնելը Հարավային Կովկասում»,- նշել է ասաց Կռիլովը՝ հավելելով, որ այդպիսով կմեծանա նաև նոր հակամարտությունների ու պատերազմների բռնկման հավանականությունը:
