Աշխարհում 1 օրում կորոնավիրուս է հայտնաբերվել ավելի քան 830 հազար մարդու մոտ, այդպիսով՝ մինչ օրս վիրուսով վարակման դեպքերի թիվը գերազանցել է 146,05 միլիոնը: TASS գործակալության փոխանցմամբ՝ այս մասին են վկայում ապրիլի 25-ին Առողջապահության համաշխարհային կազմակերպության կողմից հրապարակված տվյալները: Հիվանդությունից մահվան դեպքերի թիվն ավելացել է 12 940-ով՝ հասնելով 3 092 107-ի:
ԱՀԿ-ի վիճակագրությունը հաշվի է առնում միայն պետությունների կողմից տրամադրված պաշտոնապես հաստատված տվյալները հիվանդների և մահացածների մասին:
Անցյալ օրվա ընթացքում ԱՀԿ-ին հաղորդված վարակման դեպքերի ավելի քան 44 %-ը բաժին է ընկնում հարավարևելյան Ասիային (365 986), երկրորդ տեղում են Հյուսիսային և Հարավային Ամերիկաները (228 852), երրորդում՝ Եվրոպան (165 146):
Կորանավիրուսի հաստատված դեպքերի թվով առաջին հորիզոնականում ԱՄՆ-ն է՝ ավելի քան 31 միլիոն դեպքով: ԱՄՆ-ին հաջորդում են Հնդկաստանը, Բրազիլիան, Ֆրանսիան, Ռուսաստանը, Թուրքիան, Մեծ Բրիտանիան:
