Նյու Յորքի Լոնգ Այլենդի շրջանում տեղի ունեցած հրաձգության արդյունքում մեկ մարդ զոհվել է, ևս երկուսը՝ վիրավորվել: Այս մասին հաղորդում է CNN-ը՝ հղում անելով ոստիկանության ներկայացուցիչ Պատրիկ Ռայդերին:
Միջադեպը տեղի է ունեցել Ուեսթ Հեմփսթեդում գտնվող Stop & Shop սուպերմարկետի գրասենյակային տարածքում:
«Հրաձիգը փախուստի է դիմել»,- ասել է Ռայդերը:
Նշվում է, որ տուժածները տեղափոխվել են հիվանդանոց: Մոտակա դպրոցները փակվել են, տարածքում որոնողական աշխատանքներ են տարվում, տեղի բնակիչներին խնդրել են փողոց դուրս չգալ: