Վրաստանում COVID-19-ի զոհերի թիվը հասել է 3949-ի: Կառավարությունից հայտնել են, որ ևս 10 հիվանդ մահացել է կորոնավիրուսային վարակի պատճառով առաջացած բարդություններից:
Մեկ օրում երկրում հայտնաբերվել է 578 նոր դեպք: Ընդ որում, իրականացվել է ընդամենը 9750 թեստ. PCR թեստեր՝ 4100, հակագենի արագ թեստեր՝ 5650:
Ապաքինվել է ևս 659 հիվանդ: Երկրում COVID-19-ի հաստատված դեպքերի ընդհանուր քանակը 295.936 է, ապաքինվել է 281.574 մարդ:
Ըստ Stopcov.ge կառավարական կայքի, Վրաստանում կորոնավիրուսի հայտնաբերման մակարդակը մեկ օրում աճել է 5.93%-ով, վերջին 14 օրվա ընթացքում կազմել է 3.06%, իսկ շաբաթվա ընթացքում՝ 3.58%:
Մարտի 15-ից Վրաստանում պատվաստվել է 30.209 մարդ, մեկ օրում՝ 1025 մարդ:
Վրացի համաճարակաբաններն արդեն հայտարարել են կորոնավիրուսի երրորդ ալիքի մեկնարկի մասին: Երկրում արագորեն տարածվում է կորոնավիրուսի բրիտանական շտամը. հայտնաբերված դեպքերի կեսից ավելին վերաբերում է հենց դրան: