ԱՄՆ և Ֆրանսիայի նախագահներ Բարաք Օբաման և Նիկոլա Սարկոզին ու Գերմանիայի կանցլեր Անգելա Մերկելը ուրբաթ օրը պայմանավորվել են շարունակել ճնշումներ գործել Բաշար Ալ-Ասադի վրա, քանի որ Համա քաղաքում շարունակում են տասնյակ մարդիկ զոհվել: Սպիտակ տան հայտարարության մեջ ասվում է, որ երեք առաջնորդները հեռախոսային զրույցի ժամանակ դատապաարտել են իրավիճակի սրումը Սիրիայում, կառավարական ուժերի կողմից Սիրիայի ժողովրդի դեմ իրականացվող բռնությունները: Այս մասին հաղորդում է Reuters գործակալությունը:
Օբաման, Սարկոզին և Մերկելը պայմանավորվել են «քննարկել ճնշումներ գործելու հետագա քայլերը և Սիրիայի ժողովրդին աջակցություն ցուցաբերելու հնարավորությունները»: Երեկ CNN հեռուստաընկերության փոխանցմամբ՝ Համայում շարունակվել են մարտական գործողությունները:
Ըստ ականատեսների՝ ծանր զինտեխնիկան անկանոն կրակ է բացում բնակավայրերի ուղղությամբ: Կան բազմաթիվ զոհեր:
