Ռուսաստանը և Պակիստանը պայմանագրեր են ստորագրել հակատանկային համակարգերի, հակաօդային պաշտպանության համակարգերի և հրաձգային զենքի մատակարարման համար: Այդ մասին ՌԻԱ Նովոստիին հայտնել է Պակիստանի բանակի շտաբի պետ, գեներալ Քամար Ջավեդ Բաջվան:
Նրա խոսքով՝ Ռուսաստանը «Պակիստանի լավ բարեկամն է»: Նա պատմել է, որ երկրները կարողացել են համաձայնության գալ, և Պակիստանը գտնվում է Ռուսաստանից որոշ հակատանկային համակարգեր, հակաօդային պաշտպանության համակարգեր և հրազեն գնելու գործընթացում:
«Պայմանագիրն արդեն ստորագրվել է», – հավաստիացրել է Բաջվան:
Ռուսաստանի Դաշնության ռազմատեխնիկական համագործակցության դաշնային ծառայությունը դեռևս չի մեկնաբանել այս տեղեկատվությունը:
