Ղազախստանի Մշակույթի նախարարությունը օրինագիծ է պատրաստել, որը պարտավորեցնելու է երկրի պետական մարմիններին ողջ գրագրությունը վարել ղազախերեն: Նաև հիմնականում ղազախերեն պետք է անվանվեն իրավաբանական անձինք, կազմվեն գնապիտակներն ու գովազդները:
Ըստ օրենքի անհրաժեշտ ծավալով ղազախերենին պետք է տիրապետեն բոլոր պետծառայողները, թեկուզ մասնակի պետական սեփականության մեջ գտնվող ընկերությունների ծառայողները, զինծառայողները, իրավապահները, դատական կատարածուները և մի շարք այլ անձինք:
Այսուհետ քաղաքացիների գրավոր դիմումները պետք է լինեն միայն ղազախերեն, իսկ ցանկացած նախակրթական և կրթական հաստատությունում ղազախական խմբերն ու դասարանները պետք է առնվազն 50 տոկոս լինեն:
