Մեծ Բրիտանիայի բնակիչ Ջուլի-Էն Թորնը թողել է քաղաքացիական ծառայողի աշխատանքը և դարձել «կատվի թարգմանիչ»: Այս մասին գրում է Metro-ն: Կինն իր մեջ հայտնաբերեց կատուների սովորությունները հասկանալու և դրանք մեկնաբանելու կարողությունը: Նշանակություն չունի՝ կենդանին իր առջև կանգնա՞ծ է, թե նա նայում է կատվի լուսանկարին:
Իր գերկարողությունները նա առաջին անգամ հայտնաբերեց 2012-ին՝ կենդանաբանական այգի այցելության ժամանակ: Ջուլի-Էնը լաց է եղել վագրակատվի վանդակի մոտ: Նա համոզված է, որ իրեն պատած կարոտն ու հուսահատությունը գիշատիչ կատվի հույզերն էին: Ավելի ուշ նա իմացավ, որ էգ կատուն վերջերս կորցրել է զուգընկերոջը:
Յոթ տարի անց տիկին Թորնը սկսեց իր բիզնեսը: Նա թեստավորում է կենդանիներին, ապա դեղաբույսեր է նշանակում: Կինը կարծում է, որ հասարակության լարվածության պատճառով կատուներն ամենաշատն են տուժում: Նրանք հավաքում են տերերի հույզերը: Եվ դրանից հետո նրանք սկսում են իրենց վատ պահել: Թորնի առաքելությունը մարդկանց բացատրելն է՝ ինչպես ճիշտ հասկանալ իրենց կենդանիներին:
