Այսօր՝ փետրվարի 1-ին, ԱԺ-ում հրավիրվել են խորհրդարանական լսումներ՝ «Գիտությունը որպես անվտանգության և զարգացման հենասյուն» թեմայով:
ԿԳՄՍ նախարար Վահրամ Դումանյանը նախ նկատեց, որ թեմայի վերնագրում պետք էր ավելացնել նաև «կրթություն» բառը. «Գիտությունն ու կրթությունը իրարից տարանջատելու բոլոր փորձերը արհեստական են: Անվտանգության հիմքում նախևառաջ կրթությունն է»:
«Այնպիսի տպավորություն է, որ շատ դաժան է, բայց շատ թանկ գնով ենք ձեռք բերում շատ պարզ գիտելիքներ, և այսօր բոլոր շերտերը շատ լուրջ ակնկալիքներ ունեն գիտնականներից: Վաղուց էր հայտնի, որ գիտությունը և կրթությունը պետք է լինեն ամեն ինչի կենտրոնում»:
Նրա խոսքով՝ դեպքերին պետք է տալ իրենց ճիշտ գնահատականը, ոչ թե հաճոյանալ այս կամ այն նպատակով. «Սա իրական գիտություն է և մեծ պատասխանատվություն է պահանջում: Անվտանգությունը պետք է սկսվի մեր գիտակցության մեջ: Մեր մտքի մեծությունը կապ չունի մեր երկրի տարածքային մեծության հետ»:
Նախարարը նշեց, որ պետք է շատ կարևորել կրթության մակարդակը. «Այն, որ բուհերը դարձել են մի քանի տասնյակ, լուրջ չէ: Նման համստ ֆինանսավորման դեպքում գիտական աշխարհից չպետք է ակնկալել հրաշքներ: Պետք է ձգտում լինի գիտնական դառնալու, բուհում աշխատելու»:
Մանրամասն՝ տեսանյութում:
