Վրաստանը փետրվարին կստանա կորոնավիրուսի դեմ պատվաստանյութի առաջին խմբաքանակը՝ արտադրված ամերիկյան Pfizer ընկերության կողմից: Այս մասին հաղորդել է Վրաստանի առողջապահության նախարարի տեղակալ Թամարա Գաբունիան:
Փոխնախարարի խոսքով՝ առողջապահության նախարարությունը արդեն ստացել է պաշտոնական հաստատումն առ այն, որ փետրվարի կեսերից մինչև ամսվա վերջ երկիր կուղարկվի Pfizer-ի պատվաստանյութի առաջին խմբաքանակը՝ 29 250 չափաբաժին:
Ինչպես հստակեցրել է Գաբունիան, դրանք նախատեսված կլինեն առաողջապահության ոլորտի աշխատակիցների համար:
Նա հավելել է, որ բացի Pfizer-ից, Վրաստանը մտադիր է ձեռք բերել նաև բրիտանական AstraZeneca ընկերության արտադրած պատվաստանյութը:
Վերջին տվյալներով՝ այս երկրում արդեն հայտնաբերվել է կորոնավիրուսի 257 632 դեպք, ապաքինվել է 248 537, մահացել 3 159 մարդ:
