Վրաստանում COVID-19-ի զոհերի թիվն աճել է՝ հասնելով 3096-ի: Կառավարությունը հաղորդել է, որ ևս 25 հիվանդ մահացել է կորոնավիրուսային վարակի պատճառով առաջացած բարդություններից:
Երկրում մեկ օրվա ընթացքում հայտնաբերվել է կորոնավիրուսի 1006 նոր դեպք (նախորդ օրը՝ 298): Իրականացվել է 17349 թեստ, այդ թվում՝ PCR թեստ՝ 11492, հակագենի արագ թեստ՝ 5857:
Մեկ օրում ապաքինվել է 1050 հիվանդ: Երկրում COVID-19-ի հաստատված դեպքերի ընդհանուր թիվը 254.822 է, ապաքինվել է 244.446 հիվանդ:
Վրաստանում կորոնավիրուսի համավարակի դեմ պայքարի համար ներդրված սահմանափակումների մեծ մասը ուժի մեջ կմնա 2021թ.-ի փետրվարի 1-ից հետո: Դրանք կմեղմվեն միայն այն քաղաքներում, որտեղ համաճարակաբանական իրավիճակը բարելավվել է (Բաթում, Զուգդիդի, Փոթի, Գորի և Թելավի): Այս քաղաքներում կվերսկսվի հասարակական տրանսպորտի աշխատանքը, կբացվեն դպրոցները:
Թբիլիսիում և Ռուսթավիում փետրվարի 1-ից կբացվեն առևտրի կենտրոնները և ոչ պարենային ապրանքների խանութները, իսկ տրանսպորտը և դպրոցները կսկսեն գործել մարտի 1-ից ոչ շուտ: Վրաստանի բոլոր քաղաքներում փակ շուկաները կբացվեն փետրվարի 15-ից: