Էմի Ուայնհաուսի վերջին երգը, որը նա ձայնագրել էր ամերիկացի հայտնի երգիչ Թոնի Բենեթի հետ, կթողարկվի որպես բարեգործական սինգլ: Այս մասին հաղորդում է MTV-ն: «Մարմին և հոգի» (Body and Soul) երգի օրիգինալը ձայնագրվել էր 1930 թ.-ին: Բենեթն ու Ուայնհաուսն այս երգի նոր կատարումը ձայնագրել էին Լոնդոնի Abbey Road ստուդիայում: Բենեթի խոսքերով՝ սա վերջին երգն է, որի աշխատանքները հայտնի երգչուհի Էմի Ուայնհաուսը հասցրել է ավարտել:
Body and Soul սինգլի վաճառքից ստացված գումարները կուղղվեն Էմիի հոր՝ Միտչել Ուայնհաուսի կողմից բացված հիմնադրամին: Հիմնադրամը ստեղծվել է՝ օգնելու ալկոհոլային և թմրանյութերից կախվածությունից հրաժարվողներին օգնություն ցուցաբերելու համար: