Այսօր՝ հունվարի 22-ին, ԱԺ-ում հրավիրվել է արտահերթ նիստ: Օրակարգում Բարձրագույն դատական խորհրդի անդամի թեկնածուներ Գագիկ Ջհանգիրյանի և Դավիթ Խաչատուրյանի ընտրության հարցն է:
«Պարոն Ջհանգիրյան, ես ողջունում եմ ձեր պատրաստակամությունը և խիզախությունը մեր պետության համար այսպիսի ծանր փուլում նմանօրինակ բեռ ու պատասխանատվություն ստանձնելու համար: Սա կարևորագույն ծառայություն եմ համարում ձեր կողմից մեր պետության և ժողովրդի համար»,- հայտարարեց «Իմ քայլի» պատգամավոր Մխիթար Հայրապետյանը:
Նա նշեց, որ ինքն այնքան միամիտ չէ, որ կարծի, թե այս առաջադրումներով բոլոր խնդիրները լուծվելու են. «Բայց սա լինելու է ևս մեկ քայլ»:
Հիշեցնելով, որ 17 տարեկանում եղել է Ազատության հրապարակում և լսել պարոն Ջհանգիրյանի հորդորը, որն ասել է` չընկրկեք, Մխիթար Հայրապետյանն ասաց. «Այսօր միայն մեկ իրավունքով ես էլ ձեզ եմ հորդորում` ձեզ ընտրելու իմ իրավունքով. չընկրկեք համակարգային դժվարությունների, խարդավանքների, ինտրիգների, համակարգային խոչընդոտների, ճահճի սպառնալիքի առաջ: Ես իմ համեստ հնարավորություններով ձեզ հետ եմ»:
Մանրամասն՝ տեսանյութում:
