ԱՄՆ Պետդեպարտամենտը հայտարարել է, որ Վաշինգտոնը պատժամիջոցներ է սահմանում Իրանի, Չինաստանի և ԱՄԷ-ի ընկերությունների նկատմամբ՝ Իրան հյուսվածքային պողպատ մատակարարելու համար, հաղորդում է «ՌԻԱ Նովոստի»-ն:
Պատժամիջոցների ցուցակում են ներառվել IRISL-ի ղեկավարը և իրանական Transfo Company, Zangan Distribution Transformer Company, Mobarakeh Steel Company ընկերությունները, ինչպես նաև IRISL-ի Sapid Shipping դուստր ձեռնարկությունը: Բացի այդ, պատժամիջոցների տակ են հայտնվել չինական Jiangyin Mascot Special Steel Co., LTD և էմիրատների Accenture Building Materials ընկերությունները:
Ամերիկյան կողմն այս ընկերություններին կասկածում է իրանական պողպատի մատակարարման մեջ ներգրավվածության մեջ:
Բացի այդ, ԱՄՆ արտաքին գործերի նախարարությունը հաղորդել է, որ Վաշինգտոնը պատժամիջոցներ է սահմանել իրանական երեք կազմակերպությունների դեմ՝ որոնց գործունեությունը նպաստում է զենքի մատակարարմանը, վաճառքին և փոխանցմանը Իրան և Իրանից դուրս: Սահմանափակումներ են մտցվել Ծովային արդյունաբերության կազմակերպության (MIO), Օդատիեզերական արդյունաբերության կազմակերպության (AIO) և Ավիացիոն արդյունաբերության կազմակերպության (IAIO) նկատմամբ:
