Չինաստանը մուտքի թույլտվություն չի տրամադրել Առողջապահության համաշխարհային կազմակերպության փորձագիտական խմբի անդամներին, որոնք ուսումնասիրում են կորոնավիրուսի նոր համավարակի պատճառները: Այս մասին հայտարարել է կազմակերպության գործադիր տնօրեն Թեդրոս Ադան Գեբրեյեսուսը: Նրա խոսքերը մեջբերում է CNN- ը:
Գեբրեյեսուսը ասել է, որ խմբի երկու անդամներ Ուհան ուղևորվելու նպատակով հայրենի երկրից մեկնելուց հետո տեղեկացել են, որ Չինաստանի պաշտոնյաները չեն հաստատել երկիր մուտք գործելու համար անհրաժեշտ թույլտվությունները:
ԱՀԿ ղեկավարն իր հիասթափությունն է հայտնել այս լուրից:
«Ես կապի մեջ եմ եղել չինական բարձրաստիճան պաշտոնյաների հետ և մեկ անգամ ևս հասկացրել եմ, որ այս առաքելությունը առաջնահերթ խնդիր է ԱՀԿ-ի և միջազգային թիմի համար», – ասել է Գեբրեյեսուսը:
