Իսպանիայի ազգային ոստիկանությունը 23 մարդու է բերման ենթարկել Արևելյան Եվրոպայի երկրների ներկայացուցիչների կողմից փողերի լվացման գործով, հայտնում է Ազգային ոստիկանության մամուլի ծառայությունը: Ձերբակալվածների թվում կան Ռուսաստանի 8 քաղաքացիներ, երկու ուկրաինացի, մեկ՝ Ղազախստանի, մեկ Ալժիրի քաղաքացի, մնացած բոլորը իսպանացիներ են:
Նշվում է, որ սա վերջին 10 տարվա ընթացքում ամենամեծ հատուկ գործողությունն է ԱՊՀ տարածքի մաֆիայի դեմ: Խմբի անդամները զբաղվում էին կոռուպցիայով և ներթափանցում էին Իսպանիայի պետական գերատեսչություններ: Ընդգծվում է, որ հանցավոր կազմակերպությունը նախատեսում էր վերահսկողություն հաստատել երկրի տնտեսության առանցքային ոլորտների վրա:
Այս խմբի դեմ գործը Իսպանիայում հարուցվել էր դեռ 2013-ին: Նշվում է, որ հանցավոր կազմակերպության ներկայացուցիչները ԱՊՀ երկրներից ստացված միջոցները ներդրել են Իսպանիայում անշարժ գույքի մեջ: Օգտագործվել են կեղծ իրավաբանական անձինք, իրականացվել են կասկածելի բանկային գործառնություններ:
