ԱՄՆ-ի նախագահ Դոնալդ Թրամփն անցյալ շաբաթ երկու անգամ զանգահարել է Փենսիլվանիայի նահանգի ներկայացուցիչների պալատի խոսնակ Բրայան Քաթլերին՝ խնդրելով օգնել՝ փոխելու այս նահանգում նախագահական ընտրությունների արդյունքները: Այդ մասին հաղորդել է Washington Post թերթը:
Ըստ հրատարակության տվյալների, այդ զանգերի մասին տեղեկությունը հաստատել է Քաթլերի գրասենյակը: Սա արդեն երրորդ նահանգն է, որտեղ Թրամփը փորձել է «ետ շրջել» քվեարկությունների ելքը. ավելի վաղ Թրամփը նույնպիսի խնդրանքով դիմել է Միչիգանի նահանգի հանրապետականներին և Ջորջիայի նահանգապետ Բրայան Քեմփին:
«Ես բոլոր այդ խնդիրների մասին լսում եմ Ֆիլադելֆիայում եւ այդ խնդիրների մասին՝ ձեր օրենսդրության հետ կապված»,-ասել Է Թրամփը խոսակցության ընթացքում, որի խոսքը հրատարակությանը մեջբերել Է Քաթլերի պաշտոնական ներկայացուցիչ Մայքլ Սթրաուբը:
«Մենք ի՞նչ կարող ենք անել դա ուղղելու համար»,-ինչպես թերթին հայտարարել Է Սթրաուբը, հարցրել Է ԱՄՆ-ի ղեկավարը:
Հրատարակության համաձայն, Քաթլերը Թրամփին հայտարարել է, որ նահանգի լեգիսլատուրան (իրավադատություն) լիազորություններ չունի այն բանի համար, որպեսզի փոխի քվեարկության ուղիով ընտրված քվեատուների ցուցակը:
Պետության ղեկավարի ընտրություններն անցկացվել են նոյեմբերի 3-ին: Ամերիկյան առաջատար ԶԼՄ-ները հաղթող են հայտարարել Բայդենին: Աշխարհի բազմաթիվ ղեկավարներ արդեն շնորհավորել են նրան: Թրամփը չի ճանաչում դեմոկրատ Ջո Բայդենի հաղթանակը, որը ցույց են տալիս նախնական տվյալները: Դրա հետ մեկտեղ Թրամփը հայտարարել Է, որ ընտրությունները դեռ հեռու են ավարտվելուց, նա արդյունքները վիճարկում է մի շարք նահանգների դատարաններում:
