Վրաստանում ձերբակալվել է Ռուսաստանի քաղաքացի, որի մոտ խուզարկության ընթացքում հայտնաբերվել է 7 կգ հերոին՝ մոտ 2 միլիոն լարի (ավելի քան 600 հազար դոլար) ընդհանուր արժեքով: Այս մասին հայտնում է ՏԱՍՍ-ը՝ հղում անելով հանրապետության ՆԳՆ մամուլի ծառայությանը:
Նշվում է, որ թմրանյութը հայտնաբերվել է Ռուսաստանի քաղաքացի 1979 թ.-ին ծնված Ա.Ա.-ի մոտ՝ ձեռքի ուղեբեռի զննության ժամանակ: Նա մեղադրվում է առանձնապես խոշոր չափերի թմրանյութերի ապօրինի ձեռքբերման և պահպանման մեջ:
Ավելի վաղ հաղորդվել էր, որ Վրաստանի ՆԳՆ աշխատակիցները Գարդաբանի շրջանում բերման են ենթարկել 1973 թվականին ծնված Ռուսաստանի քաղաքացու, որի մոտ մեկ կիլոգրամ թմրանյութ է եղել: