ՄԱԿ-ի գլխավոր քարտուղար Անտոնիո Գուտերեշը կոչ է արել կրճատել ջերմոցային գազերի արտանետումները, որպեսզի ապագա սերունդները ոչնչացված մոլորակ չստանան: Այս մասին հայտնում է ՏԱՍՍ-ը՝ G20- ի գագաթնաժողովում Գլխավոր քարտուղարի ելույթին հղումով:
Նա նշել է, որ SARS-CoV-2 կորոնավիրուսային համավարակից հետո վերականգնումը պետք է արտացոլի «մարդկության և բնության հաշտեցումը»:
Գլխավոր քարտուղարը դիմել է նաև G20-ի անդամներին՝ խնդրելով «սկսել գործել հիմա» և դառնալ գլոբալ կոալիցիայի անդամ՝ ջերմոցային գազերի զրոյական արտանետումների հասնելու համար:
Նրա կարծիքով, երկրները պետք է պարտադիր ֆինանսական հաշվետվություններ ներկայացնեն «կլիմայական ռիսկեր ստեղծելու համար», «փոխեն ածխածնի վաճառքից ստացված եկամտի հարկային բեռը» և ներդրումներ կատարեն կայուն ենթակառուցվածքներում:
