Բելառուսում կիրակի օրը տեղի ունեցած բողոքի ցույցերի ընթացքում ավելի քան 1000 մարդ է բերման ենթարկվել: Այս մասին հայտնում է «Վեսնա» իրավապաշտպան կենտրոնը:
«Վեսնա»-ի ցուցակում կա 1049 մարդ: Այն շարունակում է աճել:
Բելառուսում բողոքի ցույցերը շարունակվում են երրորդ ամիսն անընդմեջ: Դրանք սկսվեցին այն բանից հետո, երբ հանրապետության Կենտրոնական ընտրական հանձնաժողովը Ալեքսանդր Լուկաշենկոյին հայտարարեց օգոստոսի 9-ին տեղի ունեցած նախագահական ընտրություններում հաղթող:
Ընդդիմության թեկնածուների բոլոր շտաբները հայտարարել են պաշտոնական արդյունքները չճանաչելու մասին:
Ցուցարարներին աջակցել են խոշորագույն արդյունաբերական ձեռնարկությունների աշխատակիցները՝ գործադուլ հայտարարելով: Ուժայինները ցուցարարների դեմ հատուկ տեխնիկա, լուսաձայնային նռնակներ և ռետինե փամփուշտներ են օգտագործում:
