Նիկոլ Փաշինյանի հրաժարականը պահանջող ընդդիմության հանրահավաքի ժամանակ Հրանտ Բագրատյանը հայտարարեց, որ ինքը կներկայացնի ահասարսուռ փաստեր: «Ես պատասխանատվություն եմ կրում ասածիս համար»,- նշեց նա:
Նրա խոսքով՝ ստորագրված փաստաթուղթը եղել է վաղօրոք մտածված դավաճանություն:
Բագրատյանը նկատեց, որ մեր երկրի պատմության մեջ չի եղել մի ղեկավար, որ հանձնի երկրի 25 տոկոսը ու միայն հրաժարականով պրծնի. «Այդ ամբողջ օպերացիան կազմակերպված է եղել Բրիտանիայի հետախուզության պետի կողմից, որը Չարլզի լավագույն ընկերն է, այսինքն՝ այս պրոցեսները սկսվել են Արմեն Սարգսյանի գալով: Գունավոր հեղափոխության ծիծեռնակը նա է եղել: Նիկոլը եկել և շարունակել է: Այդ քաղաքական սխալների պատճառով մենք սկսեցինք աստիճանաբար վարկաբեկել և վիրավորել Ռուսաստանի Դաշնությանը: Փորձը ցույց տվեց, որ մեր թիկունքին կանգնեց միայն Ռուսաստանը, և եթե ՌԴ-ն ռազմամթերք չտար, պատերազմը 7 օրից կանգնելու էր լիակատար պարտությամբ»:
Առավել մանրամասն՝ տեսանյութում:
