Զինյալների տեղաշարժը Մերձավոր Արևելքում սրում է հակամարտությունները, և, ընդհանուր առմամբ, տարածաշրջանում պահպանվում է վտանգավոր անկայունությունը, հայտարարել է ՌԴ նախագահ Վլադիմիր Պուտինը:
«Մերձավոր Արևելքում և Հյուսիսային Աֆրիկայում պահպանվում է վտանգավոր անկայունությունը»,- ասել է Պուտինը Շանհայի համագործակցության կազմակերպության (ՇՀԿ) անդամ-երկրների ղեկավարների խորհրդի նիստում:
Նա նշել է, որ «Լիբիայում և Եմենում զինված դիմակայությունը, Սիրիայում մնացած ավազակային կազմավորումների անկլավները ահաբեկչական սպառնալիքի, թմրանյութերի և զենքի տարածման աղբյուրներ են»:
«Իհարկե, վերոհիշյալ տարածաշրջանից դուրս զինյալների տեղաշարժը հատուկ ուշադրության է արժանի: Սա էլ ավելի է սրում հակամարտությունները»,- շեշտել է ՌԴ նախագահը: