Ադրբեջանի արտաքին գործերի նախարարությունը հայտարարել է, որ իր զինված ուժերը Հայաստանի տարածքի վրա խոցել են ռուսական Մի -24 ուղղաթիռը: Բաքուն պնդում է, որ դա պատահաբար է տեղի ունեցել, ուստի ներողություն է խնդրում ռուսական կողմից՝ տեղեկացնում է mk.ru-ն:
Այժմ ադրբեջանական կողմը պատրաստ է փոխհատուցում վճարել: Բաքուն նշել է, որ միջադեպը միանշանակ ուղղված չի եղել ռուսական կողմի դեմ: Ադրբեջանը նաև ցավակցություն է հայտնել անձնակազմի զոհված անդամների ընտանիքներին, իսկ վիրավորին մաղթել է շուտափույթ ապաքինում:
Ավելի վաղ ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը հայտնել էր, որ ռուսական Մի -24 ուղղաթիռը խոցվել է Հայաստանի օդային տարածքում: Դա տեղի է ունեցել պատերազմական գոտուց դուրս: Ադրբեջանի հետ սահմանի մոտ ուղղաթիռի կործանման արդյունքում զոհվել է անձնակազմի երկու անդամ: Մեկը հոսպիտալացվել է: