Երևանի գեղարվեստի պետական ակադեմիայի ուսանողներն արդեն մի քանի օր է առանց հանգստի, հայրենիքի պաշտպանների համար անձրևանոցներ ու վրաններ են կարում։ Երկար են փնտրել, գտել են Երևանում առկա հրակայուն և ջրակայուն կտորի վերջին 64 մետր խմբաքանակը, միանգամից գնել են։ Տիկին Անահիտի մոդելավորել է և առաջին պատրաստի մոդելի օրինակով սկսել են կարել մնացածը։ Ամեն ինչ մտածված է՝ անձրևանոց-թիկնոցը հնարավոր է շատ արագ ու հեշտությամբ հագնել-հանել, պաշտպանվել հորդառատ անձրևից ու հրդեհից։ 27 օրինակ արդեն պատրաստ է և առաջիկա օրերին աղջիկների բարեմաղթանքներով կուղարկվեն առաջնագիծ։
Գեղարվեստի ակադեմիայի ուսխորհրդի նախագահ Մանե Մակյանն «Առաջին լրատվական»-ի հետ զրուցյում ասաց, որ քննարկել են նաև քնապարկեր կարելու տարբերակը, բայց հաշվի առնելով, որ աշուն է, անձրևներ են սկսվելու, որոշել են հենց ջրակայուն անձրևանոցներ կարել։
Աղջիկները խնամքով վերջին թերություններն են ուղղում և մաղթում, որ այդ անձրևանոցները պատերազմական իրավիճակում այլև պետք չլինեն։ Խաղաղություն հաստատվի և զինվորները միայն խաղաղ ժամանակ դրանցով պաշտպանվեն անձրևից։
Առավել մանրամասն՝ տեսանյութում