Երեկ հայաստանյան եկեղեցիներում նշվել է Պայծառակերպության տոնը: Իսկ այսօր մեռելոց է: Հայ Առաքելական Սուրբ Եկեղեցին մեծ շուքով և հանդիսավորությամբ նշում է Քրիստոսի պայծառակերպության տոնը: Հիշեցնենք, որ Պայծառակերպությունը Հայ Եկեղեցու հինգ Տաղավար տոներից երրորդն է:
Տաղավար տոներին հաջորդում է մեռելոցը. Տիգրան Սարգսյանի կառավարության որոշման համաձայն, հայտարարված է ոչ աշխատանքային օր: 2008-ի թվականի հունիսի 26-ի կառավարության նիստում՝ Մայր Աթոռ Սուրբ Էջմիածնի առաջարկով, որոշում է ընդունվել, ըստ որի` հիմք ընդունելով «Խղճի ազատության և կրոնական կազմակերպությունների մասին» Հայաստանի Հանրապետության օրենքի 17-րդ հոդվածը տաղավար տոներին հաջորդող մեռելոց հիշատակի օրը հայտարարվում է ոչ աշխատանքային:
Հայ Առաքելական Եկեղեցու տաղավար տոներն են` Սուրբ Ծնունդ և Մկրտություն, Սուրբ Հարություն, Պայծառակերպություն (Վարդավառ), Աստվածածնի Վերափոխման տոն, Խաչվերաց տոն: