Այս պատերազմը ռազմաքաղաքական մարտահրավեր է… Ռուսաստանը մեծ ջանքեր է գործադրում պատերազմի դադարեցման ուղղությամբ: Այս մասին լրագրողների հետ հանդիպմանն ասաց Արցախի նախագահի խորհրդական Դավիթ Բաբայանը:
«Սկզբում լոկ հայտարարություններ ու կոչեր եղան, հետո կազմակերպվեց ԱԳ նախարարների հանդիպում Մոսկվայում, հրադադարի պայմանավորվածություն ձեռք բերվեց … Բայց Ադրբեջանը, Թուրքիան, ահաբեկիչները շարունակում էին իրենց գործողությունները… Հետո ասացին՝ եթե չեք լսում Լավրովին, պետք է լսեք Շոյգուին: Լավրովը հայտարարեց, որ արդեն նաև ՌԴ Պն-ն է զբաղվում հակամարտության կարգավորմամբ՝ որպես միջնորդ: Այնուհետև Շոյգուն հայտարարեց, որ աշխատում է, որպեսզի անմիջապես դադարեցվեն ռազմական գործողությունները: Հետո մենք տեսանք այլ քայլեր: Մենք տեսանք, որ խոցվեցին բավականին ստվար զանգվածներ՝ Սիրիայում տեղակայված գրոհայինների ճամբարը ոչնչացվեց, որոնք պետք է գային Արցախ: Նաև Չեչնիայում ահաբեկիչներ չեզոքացվեցին:
Մենք տեսնում ենք, որ գործընթացը կարող է մտնել այլ փուլ: Ես չեմ բացառում, որ կոչով կարող է հանդես գալ նաև ՌԴ նախագահը: Եթե Թուրքիան և Ադրբեջանը չարձագանքեն նրա կոչին, չի բացառվում, որ Ռուսաստանն անցնի ավելի ակտիվ և կոշտ քայլերի: Դրա համար բոլոր քաղաքական նախադրյալները կան և նախապատրաստական աշխատանքներն իրականացվում են: Եթե ահաբեկիչներն անցնում են ՌԴ տարածք, սա արդեն շատ լուրջ է: Ռուսաստանը ձեռքերը ծալած չի նստի»,- ասաց Բաբայանը:
Մանրամասն՝ տեսանյութում:
