Սեպտեմբերի 7-ի ռազմական դրություն հայտարարելու մասին կառավարության որոշման մեջ արդեն որոշակի կարգավորումներ կային, բայց դրանք երեկ խստացվեցին։ Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Սարգիս Խանդանյանը։
«Ես կարծում եմ՝ ռազմական դրությունը անվտանգության տեսանկյունից ամենալուրջ իրավական ռեժիմն է , որը կարող է լինել ՀՀ տարածքում, և այս առումով պետք է լուրջ հանրային կոնսոլիդացիա լինի։ Հանրային տրամադրությունները հատկապես պատերազմական իրավիճակում պետք է նպաստեն, որ որևէ կերպ չխանգարեն բանակի բարոյահոգեբանական վիճակին, երկրի մարտունակությանը»,-ասաց նա։