Վրաստանի նախկին վարչապետ Միխեիլ Սահակաշվիլին իր տեսաուղերձում նա Ուկրաինային՝ որպես իր «երկրորդ տուն», շնորհակալություն է հայտնել՝ նշելով, որ այժմ վերադառնում է հայրենիք:
Սահակաշվիլին, որն այժմ գլխավորում ՝ Ուկրաինայի բարեփոխումների ազգային խորհրդի գործադիր կոմիտեն, քանիցս արտահայտվել ՝ Վրաստանում առաջիկա խորհրդարանական ընտրությունների առնչությամբ, նշելով, որ ինքը չի ճանաչում ներկայիս ղեկավարության օրինականությունը եւ ընտրություններում պատրաստ ՝ պայքարել առաջնագծում:
Նրա հայտարարությունների պատճառով Թբիլիսին իր դեսպանին հետ ՝ կանչել Կիևից. իշխանությունները նախկին նախագահի հայտարարությունները միջամտություն են համարում Վրաստանի ներպետական գործերին:
«Ուկրաինան իմ երկրորդ տունն է: Ժամանակին ես այստեղ եմ ժամանել քաղցր Վրաստանի իմ գլխավոր տնից: Ես Ուկրաինան սիրում եմ դեռ ուսանողական ժամանակներից»,-հայտարարել է Սահակաշվիլին:
Նա նշել է, որ վերջին յոթ տարվա ընթացքում շատ բան է տեղի ունեցել և բավարար փորձ ու գիտելիքներ է ստացել այն բանի համար, որպեսզի ավելի լավ ծառայի իր երկրին և սխալներ թույլ չտա, իսկ այն, որ իր նախագահության ժամանակ սխալներ, այնուամենայնիվ, թույլ է տվել, ընդունել է:
Սահակաշվիլին Վրաստանից հեռացել է 2013 թվականին, որտեղ նրա նկատմամբ մի շարք քրեական գործեր էին հարուցել. դրանցից մի քանիսով հեռակա դատապարտվել էր բանտարկության: 2015 թվականի գարնանը նա մտել է ուկրաինական քաղաքականություն, երբ Ուկրաինայի նախագահի պաշտոնն զբաղեցրած Պյոտր Պորոշենկոն նրան նշանակեց Օդեսայի մարզի նահանգապետ՝ դրանից առաջ նրան քաղաքացիություն տրամադրելով:
Սակայն արդեն 2016 թվականին Պորոշենկոն ազատեց Սահակաշվիլիին՝ հայտարարելով, որ նա ոչ միայն չի կատարել տարածաշրջանի զարգացման գծով իր խոստումները, այլեւ զգալիորեն վատացրել է մարզի տնտեսական ցուցանիշները:
2017 թվականի նոյեմբերին Պորոշենկոն Սահակաշվիլիին զրկել է Ուկրաինայի քաղաքացիությունից:
Ավելի ուշ Սահակաշվիլին այդ որոշման համար գանգատ է ներկայացրել ուկրաինական դատարան, այն մինչև այժմ չի քննվել: Նոր նախագահ Վլադիմիր Զելենսկին 2019 թվականի մայիսի 28-ին իր հրամանագրով վերադարձրել է Սահակաշվիլիի ուկրաինական քաղաքացիությունը: Այս տարվա մայիսի սկզբին Զելենսկին Սահակաշվիլիին նշանակել է բարեփոխումների ազգային խորհրդի գործադիր կոմիտեի ղեկավար:
