30 տարի առաջ՝ 1990թ օգոստոսի 23-ին, ՀՀ Գերագույն խորհուրդն ընդունեց Հայաստանի անկախության հռչակագիրը: Թեմայի շուրջ «Առաջին լրատվական»-ը զրուցել է Գերագույն խորհրդի նախկին պատգամավոր, ԱԺ «Իմ քայլը» խմբակցության պատգամավոր Հովիկ Աղազարյանի հետ:
«88-ի սկզբին Մոսկվայում ավարտեցի ասպիրանտուրան և վերադարձա հայրենիք, անցա աշխատանքի Գիտությունների ակադեմիայի մեխանիկայի ինստիտուտում՝ որպես գիտաշխատող: Դեռ ամեն ինչ խաղաղ էր… Ընկերներիս հետ Մեղրի էինք գնացել, հետդարձը Նախիջևանով էր, անցանք, ու արդեն հայտնի դեպքերը սկսվեցին:
Ձևավորվեց «Ղարաբաղ» կոմիտեն, իմ ընկերների հետ միասին մեր գյուղում ձևավորեցինք «Ղարաբաղ» կոմիտե, ինչպես նաև իմ գլխավորությամբ ձևավորվեց ինքնապաշտպանական ջոկատ, մասնակցում էինք ինքնապաշտպանության միջոցառումներին, մեր ընդհանուր հրամանատարը Վազգեն Սարգսյանն էր…
Երբ եկավ ընտրությունների ժամանակը, մեր ջոկատի անդամները, մեր գյուղի տղաները որոշեցին ներկայացնել կա՛մ իմ, կա՛մ իմ մանկության ընկերոջ թեկնածությունը… Ինձ հաջողվեց երկու փուլով հաղթանակ տանել… Ես ընտրվեցի պատգամավոր, իմ ընկերը դարձավ ջոկատի հրամանատար…»,- հիշեց Հովիկ Աղազարյանը:
«Գերագույն խորհրդի պատգամավորները լծված էին ընդհանուր գործին»,- նշեց մեր զրուցակիցը՝ նաև ընդգծելով, որ Գերագույն խորհուրդը շատ դեպքերում իր բարձունքի վրա է գտնվել:
Մանրամասն՝ տեսանյութում:
