150–ամյա քրիստոնեական գերեզմանոցը, որը գտնվում է Թուրքիայի Հաթայ նահանգի Սամանդաղ շրջանում, տարածքի վերակառուցումից հետո կանաչապատ գոտու կվերածվի։
Հողատարածքը պատկանում է Սամանդաղի հույն ուղղափառ եկեղեցու հիմնադրամին, և այս փոփոխության մասին հիմնադրամի տնօրինությունը տեղեկացել է պատահաբար՝ 9 ամիս առաջ։
Հիմնադրամի տնօրեն Դիմյան Էմեքթաշը նշել է, որ այս կապակցությամբ բողոք են ներկայացրել, սակայն պատասխան դեռևս չեն ստացել։
Էմեքթաշի խոսքով՝ իրենք դիմել են նաև տեղի համայնքապետարան, որտեղից պատասխանել են, որ տեղի ունեցածը նախորդ իշխանությունների սխալի հետևանքն է։
Հունական գերեզմանոցը դեռևս 1870-ական թվականներից տեղի քրիստոնյաների կողմից օգտագործվող միակ գերեզմանոցն է։
