Մալիի զինվորականները, որոնք օգոստոսի 18-ին խռովություն են կազմակերպել և ձերբակալել կառավարության անդամներին և նախագահ Իբրահիմ Բուբաքար Քեյթային, որը հետագայում հայտարարել է իր պաշտոնաթողության, խորհրդարանի արձակման, կաբինետի կազմացրման մասին, օգոստոսի 19-ին հայտարարել են, որ ստեղծում են Ժողովրդի փրկության ազգային կոմիտե:
Օգոստոսի 19-ին այդ մասին հայտնել է նիգերիական Vanguard թերթը:
«Ժողովրդի փրկության ազգային կոմիտեն որոշել է ստանձնել պատասխանատվությունն ազգի և պատմության հանդեպ»,- մեջբերում է անում հրատարակությունը Մալիի ռազմաօդային ուժերի շտաբի պետի տեղակալ Իսյմայել Վագեի խոսքից, որը ելույթ է ունեցել ազգային հեռուստատեսությամբ:
Նա հայտարարել է, որ «ողջամիտ ժամկետներում» երկրում կանցկացվեն ընտրություններ: Խռովարարարների առաջնորդները նաև հայտարարել են, որ պարտավորվում են հետևել բոլոր միջազգային համաձայնություններին: Օգոստոսի 18-ի առավոտյան Քաթիի բանակային ռազմակայանում տեղի է ունեցել զինվորական խռովություն: Քեյթան պետական հեռուստաալիքի եթերում հայտնել է իր պաշտոնաթողության մասին, հաղորդել է ՏԱՍՍ-ը:
