ԱՄՆ նախագահ Դոնալդ Թրամփն իր զարմուհու՝ Մերի Թրամփի հուշերի գիրքը ստահոդ, սարսափելի և հիմար է անվանել: Այս մասին նա հայտարարել է Fox News-ին տված հարցազրույցում:
«Դժվար է նրան մեր ընտանիքի սիրելին անվանել: Մենք նրա հանդեպ մեծ հարգանք և համակրանք չենք ունեցել: Ես երբեք չէի ասի այս մասին, եթե նա նման հիմար, սարսափելի և ստահոդ գիրք չգրեր»,- ասել է նախագահը:
Նրա խոսքով, Մերի Թրամփը պետք է ամաչի ԱՄՆ առաջնորդի ծնողների՝ Ֆրեդի և Մերիի մասին իր դատողություններից:
Հուլիսի 14-ին վաճառքում է հայտնվել Սպիտակ տան ղեկավարի զարմուհի Մերի Թրամփի «Չափից շատ և միշտ ոչ բավարար. ինչպես է իմ ընտանիքը ստեղծել աշխարհի ամենավտանգավոր մարդուն» վերնագրով գիրքը, որը հիշողություններ է իր ընտանիքի, և որ ամենակարևորն է իր հորեղբոր՝ ԱՄՆ-ի 45-րդ նախագահ Դոնալդ Թրամփի մասին:
Նախագահի զարմուհին իր գրքում նշել է, որ Դոնալդ Թրամփի հայրը՝ միլիարդատեր Ֆրեդ Թրամփը, բյուջեի գումարները յուրացրել է հարկային խարդախությունների միջոցով: Իսկ նախագահը, ըստ նրա զարմուհու, ի վիճակի չէ կարեկցել այլ մարդկանց այն միջավայրի պատճառով, որում նա մեծացել է: Նա նաև հավելել է, որ ԱՄՆ նախագահը տառապում է բազմաթիվ բարդույթներից: