Էլիոթ Հենդլերը՝ աշխարհի ամենամեծ խաղալիք արտադրող ընկերություններից մեկի՝ Mattel-ի հիմնադիրը, որին է պատկանում Բարբի տիկնիկների ապրանքանիշը, մահացել է 95 տարեկանում Կալիֆոռնիայի իր բնակարանում սրտից կաթվածից: Այս մասին հաղորդում է The Washington Post-ը:
Հենդլերը համարվում է խաղալիքի արտադրության ոլորտի մագնատներից: 1945 թ. նա և կինը սկսել են խաղալիք արտադրել Լոս Անջելեսի իրենց ավտոտնակում: Այնուհետև բիզնեսին միացել է նրանց ընկեր Հերոլդ Մեթսոնը՝ Մեթ ածական անունով: Ընկերության անունն էլ հետագայում գրանցվեց հիմնադիրների անունների առաջին վանկերով:
Այնուհետև նրանք սկսեցին արտադրել Բարբի տիկնիկները։ Սրան հաջորդեց Բարբիի համար նախատեսված տնակների, սպասքի և զգեստների արտադրությունը: Բարբի անունը տիկնիկը ստացել է Հենդլերի դստեր՝ Բարբարայի անունից:
Հետագա տարիների ընթացքում տիկնիկը մեծ համբավ ձեռք բերեց: 1965 թ. այն ամբողջ աշխարհում վաճառվում էր մեծ արագությամբ՝ այդ տարի ստեղծողներին ապահովելով 100 միլիոն դոլարի օգուտ: Այնուհետև Բարբին ունեցավ ընկեր՝ Քենը, որը Հենդլերի մյուս զավակի՝ որդու՝ Քենեթի անունով էր: