ԱՄՆ ոստիկանությունը ավելի քան 4000 մարդ է ձերբակալել երկրի տարբեր քաղաքներում անցկացվող բողոքի ցույցերի ընթացքում, որոնք սկսվել են՝ ոստիկանի մեղքով աֆրոամերիկացի Ջորջ Ֆլոյդի մահվանից հետո։ Այս մասին հաղորդում է Associated Press-ը։
Գործակալության տվյալներով, բողոքի ակցիաների և ցույցերի անցած օրերի ընթացքում մոտ 4100 մարդ է ձերբակալվել։
Հիշեցնենք, որ ամերիկյան մի շարք քաղաքներում տեղի ունեցող բողոքի ցույցերը սկսվել են մայիսի 25-ին սոցցանցերում 10 րոպե տևողությամբ մի տեսանյութի տարածումից հետո, որում ոստիկանը Ջորջ Ֆլոյդ անունով սևամորթ իրավախախտին պառկեցրել է գետնին ու ծնկով սեղմում է նրա վիզը։ Անտեսելով տղամարդու աղաչանքներն ու շնչել չկարողանալու մասին խոսքերը՝ ոստիկանը հրաժարվել է նրան բաց թողնել, դրա հետևանքով Ֆլոյդը մահացել է: