Արսեն Թորոսյանը պարետատան նիստից հետո ճեպազրույցում հայտարարեց, որ իրավիճակը շարունակում է լարված մնալ։
«Մեր կողմից ձեռնարկվող միջոցառումները պետք է շարունակաբար և կարգապահորեն պահպանվեն, որպեսզի կարողանանք աճի թիվը պահպանել և իջեցնել, որպեսզի ունենանք համավարակի մարում։ Այս պահի դրությամբ ունենք 316 ծանր վիճակում և 53 ծայրահեղ ծանր վիճակում գտնվող քաղաքացի, 17 քաղաքացու միացված է թոքերի օդափոխման սարք։ Որպեսզի իրավիճակը կարողանանք պահել կառավարելի և չունենանք դեպքեր, երբ մեր քաղաքացիները զրկված կլինեն ինտենսիվ թերապիայի բուժօգնությունից, մենք շարունակում ենք ավելացնել մեր մահճակալային ֆոնդը հատուկ ինտենսիվ թերապիայի գծով։ Մոտակա 1-1.5 ամսվա ընթացքում կունենք 100 մահճակալ այդ գծով, դրանից 50-ը կլինի առողջապահության նախարարության «Գրիգոր Լուսավորիչ» ԲԿ-ում, 50-ը՝ «Էրեբունի» ԲԿ-ում»,-ասաց Թորոսյանը։