Սաութհեմփթոնի համալսարանի գիտնականները, պրոֆեսոր Ջոն Մարշալի գլխավորությամբ, ապացույցներ են գտել Երկրի վրա 360 միլիոն տարի առաջ բույսերի և քաղցրահամ ջրերի կենդանիների մեծ մասի զանգվածային ոչնչացման վերաբերյալ. անտառային հին էկոհամակարգը, կարծում են նրանք, ոչնչացվել է կլիմայի փոփոխության և օզոնային շերտի քայքայման պատճառով:
Գիտնականները եզրակացություններ են արել Շպիցբերգենում հայտնաբերված լեռնային ապարներում հնագույն բույսերի սպորներն ուսումնասիրելուց հետո: Նրանք նախազգուշացնում են, որ կլիմայի ներկայիս փոփոխությունները կարող են նման սցենարի հանգեցնել: Գիտախմբի անդամները համեմատել են իրենց գտած բույսերի սպորները «նորմալ» նմուշների հետ: Առաջինում նրանք փշեր և պիգմենտային բծեր են հայտնաբերել, որոնք առաջացել են չափազանց ուժեղ ուլտրամանուշակագույն ճառագայթների ազդեցության տակ։
Դրա ինտենսիվությունը, ըստ գիտնականների, պայմանավորված է եղել օզոնային շերտի կարճաժամկետ քայքայմամբ: Նշված դարաշրջանում ավարտվել է հզոր սառցե դարաշրջանը, և կլիման կտրուկ փոխվել է: