Այսօր՝ մայիսի 27-ին, ԱԺ-Կառավարություն հարցուպատասխանի ժամանակ «Լուսավոր Հայաստան» խմբակցության պատգամավոր Անի Սամսոնյանն անդրադարձավ բանկային կեղծ երաշխիքի փաստաթուղթ ներկայացրած «Ռաժն Վոյաժ» շինարարական ընկերությանը. «Այդ ընկերության տնօրենը ազգակցական կապ ունի Ղալումյան ընտանիքի հետ, իսկ մենք գիտենք, որ Իջևանի քաղաքապետ Ղալումյանը ձեր քավորն է: Կա՞ այս փաստի առնչությամբ հարուցված քրեական գործ»:
«Հայաստանը փոքր երկիր է, որ շատ փորփրենք, հնարավոր է ձեր ընտանիքի հետ էլ կապեր գտնվեն: Եվ ես կհանձնարարեմ այդ հարցը քննեն: Քիչ կան մարդիկ, որ կապի կապի կապով իրար հետ կապված չեն: Եթե դուք կասկածում եք, որ կեղծ երաշխիքները կարող են կապ ունենալ իշխանության հետ, դուք սխալ պատկերացում ունեք գործող իշխանության մասին: Այս երկրում իմ քեռու տղան ենթարկվել է քրեական պատասխանատվության, և վստահ եղեք, որ ձեր քեռու տղան էլ հարկ եղած դեպքում կենթարկվի քրեական պատասխանատվության, և ձեր պատգամավոր լինելը նրան չի փրկի»:
Մանրամասները՝ տեսանյութում: