Միացյալ Նահանգներում հաջողությամբ փորձարկվել է կորոնավիրուսային վարակի դեմ ստեղծված պատվաստանյութը: Արդյունքների մասին պատմել է Moderna ընկերությունը:
Պատվաստանյութի կլինիկական փորձարկումները սկսվել են մարտի 16-ին: Բոլոր մասնակիցները՝ 45 մարդ, բաժանվել են մի քանի խմբերի, որոնք ստացել են պատվաստանյութի տարբեր չափաբաժիններ: Պարզվել է, որ փոքր քանակությամբ շիճուկ ստացող մարդկանց մոտ այնքան հակամարմիններ են զարգանում, որքան նրանց մոտ, ովքեր արդեն վիրուս ունեին: Նրանք, ովքեր պատվաստանյութի մեծ չափաբաժին են ստացել, շատ ավելի շատ հակամարմիններ են ունեցել, քան նրանք, ովքեր ապաքինվել են COVID-19-ի բուժումից հետո:
Ընկերությունը նշել է, որ ներկայումս պատվաստանյութի մշակման վրա ինտենսիվ աշխատանքներ են տարվում, որպեսզի մինչև 2020 թվականի հուլիս ԱՄՆ-ում սկսվի շիճուկի փորձարկման երրորդ փուլը: «Եթե դա հաջող լինի, մենք դիմելու ենք դեղը լիցենզավորելու համար»,- ասել է ընկերության ղեկավար Ստեֆան Բանսելը:
