Facebook-ը գնել է անիմացիոն պատկերներ որոնելու և պահելու Giphy ծառայությունը: Այն կդառնա Instagram-ի թիմի մասը:
Հաղորդագրությունում ասվում է, որ արդեն հիմա Giphy-ի թրաֆիկի 50%-ը բաժին է ընկնում Facebook-ի հավելվածներին, որից կեսը՝ Instagram-ին: Ծառայության գրադարանի ինտեգրման շնորհիվ ընկերությունը կկարողանա «պարզեցնել կատարյալ GIF անիմացիաների և պիտակների որոնումը «պատմություններում» և անձնական հաղորդագրություններում»:
Միևնույն ժամանակ, Giphy-ն կպահպանի ապրանքանիշը և կշարունակի աշխատանքն իր գրադարանով, իսկ օգտատերերը կկարողանան իրենց GIF պատկերները վերբեռնել նրանց կայք:
Facebook-ը չի բացահայտում գործարքի արժեքը, բայց Axios-ը, վկայակոչելով աղբյուրներ, գրում է, որ այդ գումարը կազմել է 400 միլիոն դոլար: Նրանցից մեկը նաև ասել է, որ նախքան համաճարակը, ընկերությունները քննարկում էին գործընկերությունը, այլ ոչ թե գնումը: