Ամերիկյան բժշկական Express Scripts ընկերությունը համաձայնության է հասել Medco Health Solutions ընկերությունը գնելու վերաբերյալ, իսկ գործարքի գինը կազմել է 29.1 մլրդ, որը մասամբ պետք է վճարվի կանխիկ գումարով կամ էլ Express Scripts ընկերության բաժնետոմսերով: Այս մասին հաղորդում է Lenta.ru կայքը` հղում անելով Express Scripts ընկերության մամուլի հաղորդագրությանը:
Նախատեսվում է, որ Express Scripts-ը Medco-ի ամեն բաժնետոմսի համար կվճարի 71.36 դոլար, ինչը 20%-ով ավելի է, քան նրա շուկայական գինը: Medco-ի բաժնետերերը ամեն ակցիայի համար կստանան 28.8 դոլար, ինչպես նաև Express Scripts 0.81 բաժնետոմս: Այս մասին հաղորդում է Reuters գործակալությունը:
Սա ԱՄՆ-ում կլինի մեծությամբ երկրորդ գործարքը 2011 թ.: Առաջինը տեղի էր ունեցել այս տարվա սկզբին, երբ բջջային կապի AT&T ընկերությունը գնել էր մեկ այլ առաջատարի՝ T-Mobile USA-ին 39 մլրդ դոլարով: Այս գործարքի մասին ազդարարելուց հետո ընկերության բաժնետոմսերն աճել են 13%-ով:
