Ամերիկացի ձեռներեց և միլիարդատեր Իլոն Մասկը Twitter-ի իր էջում կոչ է արել չեղարկել կորոնավիրուսի դեմ պայքարի սահմանափակող միջոցառումներն ԱՄՆ-ում:
Մասկը դրականորեն է արձագանքել Տեխաս նահանգի իշխանությունների գործողություններին, որտեղ սրճարաններն ու ռեստորանները կսկսեն գործել մայիսի 1-ից:
«Կեցցե՛ս, Տեխաս», գրել է նա:
Արձագանքելով Wall Street Journal-ում հրապարակված «Արդյո՞ք կարանտինը մարդկային կյանքեր է փրկում» հոդվածին, գործարարը կոչ է արել ԱՄՆ իշխանություններին «մարդկանց վերադարձնել իրենց ազատությունը»:
«Ազատագրենք Ամերիկան հենց հիմա», գրել է Մասկը՝ եզրափակելով կարանտինը չեղարկելու վերաբերյալ հայտարարությունների շարքը:
ԱՄՆ-ում կիրառված սահմանափակումները բացասաբար են ազդել երկրի տնտեսության վրա: Գործազուրկ է դարձել ավելի քան 22 միլիոն մարդ, իսկ ՀՆԱ-ն կրճատվել է 4.8%-ով:
Վերջին տվյալների համաձայն, ԱՄՆ-ում գրանցվել է կորոնավիրուսային վարակի ավելի քան 1 միլիոն դեպք:
