Կորոնավիրուսի (Covid19) համաճարակի հետևանքով,
Իսպանիայում տիրող արտակարգ դրության պատճառով՝ այս տարի Հայոց
Ցեղասպանության 105-րդ տարելիցի ոգեկոչման՝ նախապես ծրագրված միջոցառումները, փոփոխության ենթարկվելով, տեղի են ունեցել առցանց։
Տեղի հայերի խոսքով ճգնաժամը չէր կարող իրենց ստիպել, որ այս տարի մոռանային, չոգեկոչեին 1915 թվականի ցեղասպանության զոհերի հիշատակը։
Ելնելով ստեղծված իրավիճակից՝ Իսպանիայում և Պորտուգալիայում Հայ Առաքելական Սուրբ եկեղեցին և Իսպանիայում գործող հայկական կազմակերպությունները ստեղծել էին ֆեյսբուքյան էջ՝ https://www.facebook.com/105AniversariodelGenocidioArmenio և համապատասխան հեշթեգ #MemoriayJusticia1915 ու կոչ էին արել Իսպանիաիում
հաստատված հայերին և օտարազգի բարեկամներին ու համախոհներին՝ միանալ նախատեսված ֆլեշմոբերին՝ պահպանելով կազակերպչական ցուցումները։
Հայոց Ցեղասպանության սուրբ նահատակների ոգեկոչման համար այս տարի նախատեսվել էր ապրիլի 24-ին ժամը 21։00-ին մոմավառություն՝ մարդկանց բննակարաններում, ինչպես նաև լուսանկարների և վիդեոհոլովոակների առցանց արշավ։ Օրվա ընթացքում ֆեյսբուքյան էջից տարածվել էին նաև հատուկ ելույթներ և երաժշտական կտորներ՝ նվիրված Հայոց Ցեղասպանության սուրբ զոհերին։
Այս ծրագրերին իրենց մասնակցությունն են բերել հանրահայտ ջութակահար՝ Իսպանիայում հաստատված Արա Մալիքյանը, ինչպես նաև այլ արվեստագետներ, գիտնականներ, լրագրողներ, մտավորականներ, տեղական ինքնակառավարման մարմինների ներկայացուցիչներ, քաղաքական գործիչներ և հասարակական ակտիվիստներ։
