ՀՀԿ թերթի աղբյուրները հավաստիացնում են, որ կուսակցության նոր համամասնական ցուցակում տեղ չեն գտնելու մասնավորապես Սերժ Սարգսյանի եղբայր Սաշիկ Սարգսյանը, ՀՀԿ փոխնախագահ Ռազմիկ Չոհրաբյանը և Վազգեն Կարախանյանը:
Երեկ Վազգեն Կարախանյանը թերթի հարցին, թե ինչպե՞ս է վերաբերվում, որ կուսակցության համամասնական ցուցակում իր անունը չի լինելու, պատասխանել է. «Ճիշտն ասած, ցանկացած մարդ լավ չի վերաբերվի, առավելևս՝ ես կարծում եմ, մի քիչ լումա ունեմ մեր անցած ճանապարհի և նորանկախ Հայաստանի կայացման գործում»:
Ամեն դեպքում, պատգամավորը կարծում է, որ իր նկատմամբ նման մոտեցում չեն ցուցաբերի: «Կարծո՞ւմ եք, թե՞ հույս ունեք». մեր թղթակցի այս հարցին Կարախանյանը պատասխանել է. «Հույսը ամենավերջում է մեռնում, ես կարծում եմ՝ առայժմ»:
