«Ստեղծագործողի և գիտնականի համար տարբերություն չկա, տանն է, թե աշխատավայրում: Այս ինքնամեկուսացման օրերին շարունակում եմ աշխատել բավականին արդյունավետ, արդեն երկու հոդված եմ ավարտել: Փորձում եմ լինել օրինապահ քաղաքացի, դուրս եմ գալիս շաբաթը երկու անգամ՝ գնումների համար»,- «Առաջին լրատվական»-ի հետ զրույցում այս մասին ասաց ՀՀ մշակույթի նախկին նախարար Նազենի Ղարիբյանը:
Մեր զրուցակցի դիտարկմամբ՝ աշխարհը հետկորոնավիրուսային իրավիճակում տարբեր կլինի և դա չի կարող չանդրադառնալ մշակույթի ոլորտի վրա: Այսպիսի մեծ ճգնաժամերը իրենց հետ բերում են նոր փոփոխությունների հնարավորություն, և այսպիսի պահերը կարող են նաև թռիչքային հնարավորություններ ընձեռել մեծ փոփոխություններ անելու համար… Խնդիրն այն է, թե ինչպես պետք է այս պահն օգտագործել: Լավ կլիներ, որ ռազմավարություն մշակվեր այս ուղղությամբ:
Այս իրավիճակը խթան եղավ վիրտուալ ճանապարհով հաղորդ լինել մշակույթին, զարգացնել հեռահար ուսուցման համակարգը: Սա ճանապարհ է բացում, որ անգամ այլ երկրում գտնվելով՝ կարելի է սովորել Հայաստանում կամ հակառակը: Նույնը պետք է մտածել նաև մշակույթի ոլորտում. մանավանդ կատարողական արվեստների ներկայացուցիչները ինչպես կկազմակերպե՞ն իրենց աշխատանքը. ինտերնետի հնարավորությունների մասին պետք է մտածել»:
«Մտավախություն ունեմ, որ կորոնավիրուսի հետևանքով կտուժի հենց արվեստը, մշակույթի ոլորտը»,- ընդգծեց Ն. Ղարիբյանը:
Մանրամասն՝ տեսանյութում: