Արցախի տեղեկատվական շտաբից հայտնում են, որ Արցախի Հանրապետության արտակարգ իրավիճակների պետական ծառայության տրամադրած տեղեկատվության համաձայն՝ նոր կորոնավիրուսային վարակի տարածման կանխարգելման միջոցառումների շրջանակներում ծառայության փրկարար ուժերի վարչության հրշեջ-փրկարարները մայրաքաղաքում շարունակում են իրականացնել ախտահանման աշխատանքներ։
«Այսօր վաղ առավոտյան, նախապես սահմանված վայրերում ախտահանվել են մայրաքաղաքի Անդրանիկ, Արթուր Մկրտչյան և Բաղրամյան փողոցների մայթերն ու քաղաքային հուշահամալիրին հարող տարածքը»,- ասված է հաղորդագրության մեջ:
https://www.facebook.com/ArtsakhInformation/posts/128730165434439
